He Mele Inoa no ka Moiwahine Kapiolani.
[HAKU IA E KAMEHAOKALANI.]
1 Aia i Alakai ka anoi,
Na pua keu a ke aloha,
He aloha ka—ii—mau loa,
A no’u, no ia la kekahi.
Cho:—O ia la ka pua i poni ia,
I kukuni paa ia ka iini,
He iini kau na ka manao,
No halia hana mau i ke kino.
2 Kuu kino kai lono i ka leo,
I ke kani a ka manu o uka,
Ulu mai ka manao a nui,
Hoonua i ka lau laau.
Cho:—Au mai nei holu i ka wai,
Ma ke kihi hema o ka aina,
Aneane hoolale na manu,
Na kapuai kani o Ulili.
3 Ke nu mai nei ka makani,
Ke owe mai nei ka moana,
Ane hiki mai paha o Uwila,
Ke aiwaiwa o luna.
Cho:—Nana i kaomi na mano,
Hakukoi ka wai i na pali,
Puluelo ka liko o ka lehua,
Ua olu i ka ua ke hau.
[The mele in the newspapers need to be studied. Here, this one is credited to Kamehaokalani. Later on in 1897, in Edward C. Holstein's "Ka Buke Mele o na Himeni Hawaii," it is credited to Kamealoha. This book is available as a reprint from the Bernice Pauahi Bishop Museum.]
(Koo o Hawaii, 8/29/1883, p. 8)
Ke Koo o Hawaii, Buke 1, Helu 2, Aoao 8. Augate 29, 1883.
Filed under: Alii, Aloha Aina, Mele Tagged: Kamehaokalani, Kapiolani
